“Mendoj për ty”, pushton mediet botërore

Gazeta britanike “The Guardian” kishte shkruar një artikull, ku tregonte se një fustan për gratë e dhunuara në luftën e Kosovës e ka dhuruar edhe Chery Blair dhe Rita Ora

Projeksioni artistik i Alketa Xhafa-Mripës i ekspozuar në stadiumin e Prishtinës, me moton: “Mendoj për ty”, ka pushtuar të gjitha mediet botërore. Me rreth 5 mijë fustane të ekspozuara, të gjitha dhuratë nga personalitete të ndryshe vendore e ndërkombëtare, artistja kosovare ka nxjerr në pah, gjendjen emocionalisht të rreth 20 mijë grave të dhunuara seksualisht në luftën e Kosovë.

Gazeta britanike “The Guardian” kishte shkruar një artikull, ku tregonte për fustanet e grumbulluara dhe personalitetet ndërkombëtare që i dhuruan ato duke përfshirë Chery Blair dhe Rita Orën.

Edhe e përditshmja angleze “Daily Mail”, ka shkruar për instilacionin, duke e përmendur se në mesin e fustaneve të varura na stadiumin e Prishtinës, qëndron fustani i Rita Orës dhe gruas së ish-kryeministrit anglez, Tony Blair, transmeton KK.

Edhe agjencia amerikane e lajmeve ABC News, i ka kushtuar një artikull veprës artistike në përkrahje të grave të dhunuara në luftë.

“Yahoo” “News”, “Quartz”, “Euronews”, janë disa nga mediat të cilat botërisht kanë bërë publik lajmin, se në Kosovë është shpalosur ekspozita “Mendoj për ty”, në përkrahje të grave të dhunuara seksualisht, gjatë luftës në Kosovë.