Mërgim Berisha me gol të bukur në fitoren e thellë të Fenerbahces

Foto: Facebook - Mergim Berisha

Fenerbahce ka triumfuar 5-2 në udhëtim te Alanyaspor në kuadër të javës së 29-të në Superligën e Turqisë.

Në këtë fitore të thellë ndikoi edhe Mërgim Berisha që edhe pse pati pak minuta, triumfoi me gol.

Derisa Feneri ishte duke fituar 4-2 ndaj kundërshtarit në ligë, lojtari shqiptar u përkujdes që të përmbyllte këtë takim me një gjuajtje të bukur me kokë.

Pas një harkimi nga Arda Guler, Berisha ia doli të fuste topin në rrjetë në minutën e 90+4, për rezultatin final 5-2.