Mërgimtarët japin 160 mijë euro për FC Malishevën

FC Malisheva

Mërgimtarët kanë ndihmuar me 160 mijë euro klubin futbollistik FC Malisheva.

Këtë e kanë bërë të ditur nga klubi.

“Derisa fillimi i sezonit të ri po afron, bashkë me të edhe një mundësi e re për të realizuar qëllime, sfida dhe ndryshime të reja. Sot presidenti i klubit, Driton Morina, takoi disa mërgimtarë, të cilët vullnetarisht shprehën dëshirë që të ndihmojnë FC Malishevën me 160.000.00 euro”, thuhet në njoftim, përcjell albinfo.ch.

Klubi për ndihmën ka falënderuar bashkatdhetarët.

“Presidenti legjendar i klubit, Afrim Bytyçi, i cili nuk u ndal asnjëherë së përkrahuri klubin, vazhdon me promovimin e klubit në Diasporë, duke siguruar përkrahje të paçmueshme. Klubi falënderon përzemërsisht: Ish-presidentin Afrim Bytyçi dhe miqtë e tij, Bahri Tahiri, Muhamet Bytyçi dhe Shpejtim Shala. FC Malisheva inkurajon edhe futbolldashësit e tjerë që të përkrahin FC Malishevën me qëllim të avancimit të futbollit dhe gjithpërfshirjes në këtë sport. Kontributi juaj ka peshë të madhe për promovimin e klubit dhe futbollit”, thuhet në njoftimin e klubit, përcjell albinfo.ch.