Mërgimtarët preferojnë të udhëtojnë me aeroplan përkundër çmimit të biletave

Koha për tu kthyer në vendet e tyre, mërgimtarët po zgjedhin të udhëtojnë me aeroplan.

Trendi i çmimeve të larta nga agjencitë turistike që operojnë në Kosovë vazhdon të vërehet akoma më shumë në sezonin kur mërgimtarët vijnë nga vende të ndryshme.

Pavarësisht çmimeve të larta të biletave të aeroplanit, mërgimtarët preferojnë të vijnë në Kosovë përmes Aeroportit Ndërkombëtar të Prishtinës “Adem Jashari”.

Kjo pasi që, sipas tyre, është më komode. Por shumë prej mërgimtarëve ankohen se çmimet e biletave janë shumë të larta dhe kërkojnë që të bëhet dicka në uljen e çmimeve.

Ndërsa, agjencitë e fluturimeve i japin arsyet e shtrenjtimit të çmimeve gjatë sezonit veror. Në Aeroportin Ndërkombëtar të Prishtinës tregojnë për një trend në rritje të pasagjerëve që e frekuentojnë ketë aeroport, raporton KTV, përcjell albinfo.ch.

Çmimet e biletave nga vendet e ndryshme variojnë nga 200 euro deri mbi 1000 euro.