Mërgimtari nga Gjermania ndërton një banjë termike në Podujevë

Projekti do të realizohet falë investimit të kapitalit të biznesmenit llapjan, Mustafë Abazi, i cili vepron në Gjermani

Nis ndërtimi i banjës termike në fshatin Sallabajë të Podujevës. Në vënien e themelit kishin marrë pjesë autoritetet komunale, duke paralajmëruar që objekti në ndërtim të bëhet një qendër moderne shëndetësore dhe rehabilituese.

Projekti do të realizohet falë investimit të kapitalit të biznesmenit llapjan, Mustafë Abazi, i cili vepron në Gjermani, shkruajnë mediat lokale.

Ky objekt pritet të jetë një qendër moderne shëndetësore dhe rehabilituese, e cila do të ofrojë edhe mundësi punësimi për qytetarët vendës, është thënë në vënien e themelit, përcjell albinfo.ch.