Merkel: Gjermania do të marrë 70 milionë doza të vaksinës koronavirus

KEYSTONE/EPA/JOHN THYS / POOL

Kancelarja Angela Merkel ka dhënë informacione se ku qëndron Gjermania kur bëhet fjalë për vaksinimet e koronavirusit, shkruan thelocal.de, përcjell albinfo.ch

Merkel tha se qeveritë federale dhe shtetërore po përgatiten për programin e vaksinimit dhe se miratimet e para të vaksinave në BE mund të ndodhin në fund të dhjetorit.

Me një vështrim mbi aplikimet nga BioNTech-Pfizer si dhe Moderna për përdorimin e vaksinave të tyre Covid-19 në Evropë, Merkel tha se 70 milion doza në total nga të dy llojet e vaksinave mund të dorëzohen në tremujorin e parë të vitit të ardhshëm. Por, kjo nuk do të jetë e mjaftueshme për popullsinë 83 milionëshe të Gjermanisë, tha ajo, duke theksuar se vendi do të duhet të “kalojë dimrin” pa rezerva të mëdha dozash.

Kryebashkiaku i Berlinit Michael Müller tha se ai shpreson që qeveria do të sigurojë plane konkrete për një program vaksinimi masiv. Ai tha se rregulloret duheshin akoma se si dhe cilët njerëz do të ftohen së pari për vaksinim. Müller tha se ishte e rëndësishme që programi të ishte i njëjtë në të gjithë Gjermaninë, sesa të kishte dallime midis shteteve federale, përcjell tutje albinfo.ch