Merkel pret që 100 mijë refugjatë të kthehen në shtëpitë e tyre

Merkel tha se autoritetet federale të Gjermanisë kanë të drejtë të dëbojnë ata aplikantë për azil, kërkesat e të cilëve janë refuzuar

Kancelarja gjermane, Angela Merkel, thotë se deri në fund të këtij viti rreth 100.000 emigrantë dhe refugjatë pa të drejtë për të qëndruar do të largohen nga Gjermania për në vendet e tyre, shkruan  gazeta “Die Welt”.

Një e treta e tyre janë njerëz të cilët do të detyrohen të kthehen, tha Merkel, përcjell albinfo.ch.

Rreth 60,000 njerëz do të jenë pjesë e një programi të kthimit vullnetar.

Merkel tha se autoritetet federale të Gjermanisë kanë të drejtë të dëbojnë ata aplikantë për azil, kërkesat e të cilëve janë refuzuar.

Ajo tha se kjo procedurë do të rrisë gatishmërinë për të marrë pjesë në programet për riatdhesim vullnetar, sipas të cilave emigrantët marrin një biletë aeroplan dhe ndihmë për në vendin e tyre.

Një koment i tillë i Merkelit vjen pas vendimit të Senatit të Berlinit, i cili është i dominuar nga anëtarët e partive të majta dhe të gjelbra, për të reduktuar në mënyrë drastike numrin e njerëzve të cilët do të jenë të dëbuar.

Vendimi ende nuk përjashton nevojën për kthim prapa, shtoi ajo.

– Nuk është e mundur më që ndonjë i ri nga Afganistani të vijë në Gjermani, shtoi ajo.

Që nga fillimi i këtij viti, sipas Ministrisë së Brendshme Federale, Gjermania ka dëbuar 21,789 persona. Deri në fund të shtatorit ka pasur rreth 45.000 emigrantë, të cilët vullnetarisht janë kthyer në vendet e tyre dhe pranojnë subvencione nga autoritetet gjermane.