Merkel: Të dëbohen më shpejt azilkërkuesit e refuzuar

Kancelarja gjermane, Angela Merkel, njoftoi dëbimin më të shpejtë të azilkërkuesve, kërkesat e të cilëve janë refuzuar si përgjigje ndaj sulmit në Berlin para Krishtlindjeve që mbeten të vrarë 12 persona.

“Sulmi i tmerrshëm në Berlin na detyron për të shkuar përtej masave të rrepta, por për të dërguar një mesazh të qartë”, tha Merkel në kongresin vjetor të nëpunësve civilë gjermanë në Këln.

Ajo bëri të ditur se një nga detyrat më të rëndësishme në muajt e ardhshëm do të jetë dëbimi i njerëzve, të cilët në mënyrë të paligjshme banojnë në Gjermani, dhe veprimi do të zbatohet nën moton e sigurisë për liri.

“Aty ku nuk ka ligje, duhet të zbatohen. Ata që gëzojnë mundësi për qëndrim afatgjatë në Gjermani, duhet të integrohen në shoqëri, e ata që nuk kanë nevojë për mbrojtje duhet të largohen nga Gjermania sa më shpejt të jetë e mundur”, tha Merkel.

“Është e nevojshme për t’i bashkuar të gjitha forcat kombëtare për këta njerëz që të largohen. Kjo është një detyrë dhe sfidë për gjithë qeverinë”, tha kancelarja gjermane, përcjell albinfo.ch.

Sulmuesin në tregun e Krishtlindjeve në Berlin, tunizianin Anis Amri, autoritetet e kishin vlerësuar njeri potencialisht të rrezikshëm, por ai nuk u dëbua për shkak se Tunizia nuk ka dërguar dokumentet e nevojshme në Gjermani.