Mesazhe paqeje e miqësie në dialogun mes imamit Memeti dhe rabinit Polnauer

Myslimanët dhe hebrenjtë organizuan së bashku një podium në xhaminë e re në Bernë. Në këtë aktivitet  kanë qenë të pranishëm rreth 200 njerëz të komuniteteve të ndryshme fetare. Ata kanë ndjekur me interesim  dialogun /debatin ndërfetar që u zhvillua në mes të Imamit Mustafë Memeti dhe rabinit David Polnauer.

Në xhami u kënduan edhe ilahie në gjuhën shqipe dhe këngë hebraike, bën të ditur për albinfo.ch Vaxhid Memeti nga Berna.
Ky ishte një rast shumë i rëndësishëm për të shprehur qëndrimin se mirëkuptimi dhe dashuria në mes të njerëzve duhet të mbizotërojë pavarësisht nga religjioni që ata u takojnë.