Messi vendos edhe një rekord personal

Ylli i Barcelonës, Lionel Messi, vazhdon të vendosë rekord pas rekordi. Sulmuesi argjentinas ka shënuar het-trik në fitoren 4:2 të Barcelonës në udhëtim te Deportivo La Coruna, fitore kjo që i shpalli kampion për këtë sezon.

Ky het-trik ndaj La Corunas e ka ngritur Messin në 32 gola deri më tani këtë sezon, duke u bërë lojtari i parë në histori që shënon mbi 30 gola në shtatë sezone të ndryshme, përcjell albinfo.ch.

Herën e parë që Messi shënoi mbi 30 gola në një sezon në La Liga ishte gjatë sezonit 2009/10.

Argjentinasi është i pari edhe në garën për Këpucën e Artë pasi ka një gol më shumë se Salah i Liverpoolit.