Miliarderi rus: Kërkoj ndërprerjen luftës në Ukrainë

Mësohet se oligarku rus, Mikhail Friedman, bëri thirrje, në një letër që u dërgoi punonjësve të tij në sfondin e Londrës, LetterOne, për t’i dhënë fund luftës në Ukrainë, raportoi Financial Times, përcjell albinfo.ch.

“Unë kam lindur në Ukrainën perëndimore dhe kam jetuar atje deri në moshën 17 vjeç. Prindërit e mi janë ukrainas dhe jetojnë në Lviv, qyteti im i preferuar. Por kam jetuar një pjesë të mirë të jetës sime si qytetar i Rusisë, ku kam ndërtuar dhe zgjeruar biznesin, i lidhur me popullin e Ukrainës dhe Rusisë, dhe konflikti aktual është një tragjedi për të gjitha palët“, shkruan Friedman, manjati i parë rus që haptazi bëri thirrje për t’i dhënë fund agresionit rus.

Dua t’i jepet fund gjakderdhjes

“Jam i bindur se lufta nuk është kurrë zgjidhja. Kjo krizë do të kushtojë jetë dhe do të dëmtojë dy kombe që kanë qenë vëllazërore për shekuj. Zgjidhja e kësaj situate është tmerrësisht e largët. Unë mund të bashkohem vetëm me ata që duan me vendosmëri t’i jepet fund gjakderdhjes. Jam i sigurt se partnerët e mi të biznesit janë dakord me mua”, ka shkruar ai.

Forbes e renditi Friedmanin në vendin e 128-të në listën e njerëzve më të pasur në botë dhe pasuria e tij vlerësohet në 15.5 miliardë dollarë.