Ministri Hoxhaj nesër në Forumin e Luksemburgut

Kryediplomati kosovar do të ketë takime të ndara me Baroneshën Kethrin Eshton dhe disa ministra të tjerë të vendeve anëtare të BE-së

Kethrin Eshton, përfaqësuese e Lartë e BE-së për Politikë të Jashtme dhe Siguri, i ka dërguar ftesë ministrit të Jashtëm të Kosovës, Enver Hoxhajt, për të marrë pjesë në Forumin për Ballkanin Perëndimor.

Ky forum do të mbahet nesër (e hënë) në Luksemburg ndërsa pjesëmarrja bëhet përmes formës së Gymnihut, ku nuk shkruhen emrat e shteteve pjesëmarrëse.

Pjesëmarrës tjerë janë të gjithë ministrat e e Punëve të Jashtme të BE-së dhe Ballkanit Perëndimor, njofton ReL.

Kryediplomati kosovar, sipas një komunikate të Ministrisë së Jashtme të Kosovës, do të ketë takime të ndara me Baroneshën Kethrin Eshton dhe disa ministra të tjerë të vendeve anëtare të BE-së.

Komunikata e MPJ-së, sqaron se “bashkëpunimi Rajonal dhe perspektiva Evropiane e Ballkanit Perëndimor, do të jetë ndër temat kryesore që do të diskutohen në këtë Forum”.