Ministri në aeroport, interesohet për bashkatdhetarët

Ministri Makolli, ka qëndruar në Aeroportin "Adem Jashari" dhe ka kërkuar trajtim sa më korrekt të mërgimtarëve që vijnë në shtëpitë e tyre

Aeroporti Nërkombëtar i Prishtinës, “Adem Jashari”, ka shtuar kapacitetet të sigurisë në fushën që i takon për të pritur bashkatdhetarët që vijnë në këtë periudhë në Kosovë për pushime verore.　

ANP-ja, gjithashtu është kordinuar me policinë kufitare dhe shërbimin doganor në lehtësimin e procedurave të hyrje-daljes në aeroport.

Ministri i Diasporës, Ibrahim Makolli, ka qëndruar në Aeroportin Ndërkombëtar të Prishtinës, “Adem Jashari” ku zhvilloi një takim me drejtorin e ANP, Ferda Yaka.

Me këtë rast ai u njoftua për së afërmi me përgatitjet që ANP i ka bërë në pritje të fluksit të shtuar të bashkëatdhetarëve.

Makolli ka kërkuar trajtim sa më korrekt të mërgimtarëve që vijnë në shtëpitë e tyre.

Drejtori i ANP-së “Adem Jashari”, Ferda Yakar, ka bërë të ditur për gatishmërinë për të pritur sa më mirë bashkëatdhetarët, duke premtuar rregullë dhe trajtim të mirë.