Ministria e Arsimit u ofron punë studentëve të dalluar në Shqipëri

Një grup studentësh të dalluar janë bërë pjesë e strukturave të Ministrisë së Arsimit, Sportit dhe Rinisë në Shqipëri si pjesë e projektit të aplikimit në platformën “Punetembare.al”, në kuadër të Paktit për Universitetin.

Lajmin e ka bërë të ditur kryeministri Edi Rama, i cili deklaroi se ky është një tjetër shembull se si të rinjtë po përfitojnë vend pune në administratë përmes kësaj platforme.

“Pasi kryen studimet me 9/10 janë tanimë punonjës të Ministrisë së Arsimit, Sportit dhe Rinisë”, ka shkruar Rama.

Punësimi i studentëve të dalluar në Administratën Publike, është nismë që po zbatohet nga ana e qeverisë shqiptare si pjesë e Paktit për Universitetin pas protestave të fundvitit të kaluar të studentëve.