Miratohet vendimi për krijimin e Dhomës së Biznesit të Diasporës

Këshilli i Ministrave ka miratuar propozimin për financimin e projektit “Për Dhomën e Biznesit të Diasporës, krijimi dhe nxitja e investimeve të Diasporës në Shqipëri dhe zbatimin e tij nga Fondi Shqiptar i Zhvillimit të Diasporës”.

Ky propozim ka ardhur nga e ministri i Shtetit për Diasporën, Pandeli Majko, përcjell albinfo.ch.

“Krijimi i Dhomës së Biznesit të Diasporës është një mundësi reale për mbështetjen e investitorëve të Diasporës që dëshirojnë të krijojnë apo të zgjerojnë bizneset e tyre në atdhe. Gjithashtu do të synojë të jetë një mjet efikas për nxitjen e investimeve në Shqipëri. Kjo strukturë e re ka si qëllim mbrojtjen e bizneseve shqiptare në Diasporë si dhe nxitjen e tyre për investime në Shqipëri”, thuhet në një njoftim të Agjencisë Kombëtare të Diasporës.

Sipas këtij vendimi, ky projekt do të financohet për 28 muaj me buxhet prej nëntë milionë lekësh, ndërsa fondet shtesë për projektin do të sigurohen nga donatorët dhe nga të ardhurat e fituara nga aktivitete i kësaj dhome, përcjell albinfo.ch.

Vendimin e plotë mund ta lexoni duke klikuar në këtë vegëz.