Misioni i BE-së prezanton Raportin Final për zgjedhjet lokale të 17 tetorit në Kosovë

Lukas Mandl, kryevëzhguesi i misionit të BE-së për Vëzhgimin e Zgjedhjeve në Kosovë, do ta prezantojë të enjten Raportin Përfundimtar të misionit për gjetjet dhe rekomandimet që ndërlidhen me procesin e zgjedhjeve komunale të 17 tetorit dhe balotazhit të 14 nëntorit.

Një gjë e tillë është konfirmuar nga zyra për media e BE-së.

Gjetjet dhe rekomandimet janë dhënë me qëllim të forcimit të procesit zgjedhor në Kosovë.

“Kryevëzhguesi i Misionit të Bashkimit Evropian për Vëzhgimin e Zgjedhjeve në Kosovë, i cili vëzhgoi zgjedhjet komunale të mbajtura më 17 tetor dhe 14 nëntor 2021, do të prezantojë Raportin Përfundimtar të misionit me gjetjet dhe rekomandimet për forcimin e procesit zgjedhor në Kosovë, në konferencën për shtyp, e cila do të mbahet të enjten, më 3 shkurt 2022”, thuhet në njoftim.