Mjeku zviceran refuzon ta trajtojë pacientin rus me HIV

Mjeku i klinikës Hirslanden i ka thënë se kjo do të ishte hera e fundit që do të rinovonte recetën tek ai pasi që tani e tutje nuk do të trajtonte më pacientë rusë

Një specialist zviceran i sëmundjeve infektive në klinikën Hirslanden ka refuzuar trajtimin e një pacienti rus me HIV. Rusi nga Moska ishte trajtuar nga i njëjti mjek në Zvicër për më shumë se pesë vjet.

Me trajtimin e synuar në Zvicër, rusi homoseksual donte të shmangte regjistrimin si pacient me HIV në bazën e të dhënave shëndetësore ruse, transmeton albinfo.ch. Kështu që këtë javë ai ka kërkuar një ricaktim për të rinovuar recetën e tij për trajtimin nga sëmundja.

Por,  mjeku i klinikës Hirslanden mësohet se e ka informuar atë se kjo do të ishte hera e fundit që do të rinovonte recetën tek ai pasi që tani e tutje nuk do të trajtonte më pacientë rusë. Kështu që ai duhet të kërkojë një mjek të ri.

Klinika Hirslanden konfirmon incidentin

Një zëdhënës i klinikës Hirslanden ka konfirmuar incidentin për “Sonntagsblick” dhe e ka shpjeguar këtë në emër të mjekut të përmendur: “Mjeku ynë i çmuar partner ka vendosur, për arsye personale, të mos trajtonte më pacientë nga Rusia gjatë kohës sa vazhdon lufta dhe për trajtimin e pacientëve, dhe kjo,  pavarësisht nga rasti i përmendur.”

Megjithatë, zëdhënësi ka shtuar see nëse pacientët janë në “rrezik akut shëndetësor”, mjekët e klinikës Hirslanden “sigurisht” që do të ndihmojnë, përcjell albinfo.ch. “Pavarësisht origjinës, gjinisë dhe kombësisë”.

---