Moti i nxehtë vështirëson furnizimin me naftë në Zvicër

Thatësira ndërlikon furnizimin me naftë në Zvicër

Nivelet më të ulëta të ujit në lumenjtë zviceranë, duke përfshirë Rhine, ndikojnë në dërgesat e naftës, sipas Zyrës Federale për Furnizimin Ekonomik (OFAE), e cila tha se anijet e ngarkesave nuk mund të jenë aq të rënda sa zakonisht dhe “kapaciteti i ngarkimit të anijeve duhej të reduktohet në mënyrë drastike”, përcjell albinfo.ch.

Megjithatë, kjo nuk do të thotë domosdoshmërisht se vendi do të përballet me mungesën e naftës të shkaktuar nga thatësira.

Për të garantuar furnizimin me naftë, OFAE ka vendosur të reduktojë përkohësisht rezervat e detyrueshme të derivateve të naftës me 245 mijë metra kub deri në fillim të shtatorit 2022.

Kjo sasi korrespondon me rreth 6.5 për qind të të gjitha rezervave të detyrueshme të vendosura nga qeveria, ose rreth 25 për qind të shitjeve mujore”, tha OFAE.

---