NATO zgjeron mbrojtjen në Evropën Lindore

Aleatët e NATO-s mbeten të bashkuar në mbështetjen për Ukrainën. Në takimin e parë të ministrave të mbrojtjes që kur Rusia nisi ofensivën ushtarake në Ukrainë, sekretari i përgjithshëm, Jens Stoltenberg, tha se liderët perëndimorë i kishin ofruar sasi të mëdha mjetesh ushtarake Kievit.

Shtetet anëtare pritet të angazhohen për të dërguar më shumë armë, ndërsa sulmet ruse ndaj qyteteve ukrainase vazhdojnë.

Zyrtarë dhe diplomatë të cituar nga BBC thonë se aleanca do të udhëzojë komandantët ushtarakë të hartojnë planet mbi mënyra të reja për të frenuar Rusinë. Mes tyre mund të përfshihet dërgimi i më shumë trupave dhe sistemeve të mbrojtjes raketore në Europën Lindore.