Ndërrimi i motmoteve, Cyrihu ndriçohet nga fishekzjarret

Camille Couvez Avatar of user Camille Couvez Camille Couvez @camille_couvez @camille_couvez

Pavarësisht se nuk kishte ndonjë organizim të veçantë këtë vit për fishekzjarre në Zvicër, qielli i Cyrihut u driçua nga fishekzjarret e hedhura edhe nga njerëz të thjeshtë, transmeton albinfo.ch.

Festa e Vitit të Ri, ose Shën Silvestri është festuar me zhurmë e gjallëri në gjithë Zvicrën. Në mesnatë nga të gjitha kishat janë dëgjuar këmbanat që kanë shënuar kalimin nga viti i vjetër 2021 në vitin e ri 2022.

Edhe kryeqyteti zviceran, Berna, nuk kishte organizuar fishekzjarre në prag të Vitit të Ri, por këmbanat dëgjoheshin atje në mënyrë mbresëlënëse. Ashtu si çdo vit, mijëra njerëz u mblodhën në Münsterplatz pak para mesnatës për të festuar Vitin e Ri.

Edhe qyteti i Bazelit festoi Vitin e Ri me fishekzjarre dhe qindra persona po shijonin atmosferen e ndërrimit të motmoteve. /Albinfo.ch