Vdes themeluesi i kompanisë “Jysk”

Lars Larsen, themeluesi i Jysk, vdiq sot në moshën 72-vjeçare.

Miliarderi danez vdiq në shtëpi në Silkeborg, në perëndim të Danimarkës, dy muaj pasi u diagnostikua me kancer të mëlçisë, duke e bërë atë të tërhiqej nga posti i presidentit të kompanisë, përcjell albinfo.ch.

Larsen, një nga njerëzit më të pasur në Danimarkë, themeloi Jyskun në vitin 1979 dhe kompania së shpejti përjetoi një zgjerim të madh, raporton Forbes. Jysk ka 2.800 dyqane në 52 vende në Evropë, Lindjen e Mesme dhe Azi, duke përfshirë edhe Kosovën.

Llogaritet se ka 23 mijë njerëz të punësuar. Pasuria e tij vlerësohet në 4.4 miliardë dollarë.

 

---