Ndërtohet hoteli fluturues që mund të qëndrojë në ajër me muaj të tërë

Është prezantuar një dizajn i ri ambicioz me energji bërthamore për një hotel fluturues që nuk zbarkon kurrë.

“Hoteli Sky Cruise” është ndërtuar për të pasur 20 motorë me energji bërthamore dhe do të kishte kapacitet për të transportuar 5,000 pasagjerë.

Aeroplani mund të qëndrojë në ajër për muaj të tërë, derisa në të mund të futen avionë të tjerë për të bartur dhe për të kthyer pasagjerët.

Koncepti i projektuar fillimisht nga Tony Holmsten është riimagjinuar nga Hasheem Alghaili, një komunikues shkencor jemenas dhe producent  i videove, që animoi vizionin futurist për Sky Cruise në detaje duke e quajtur atë “e ardhmja e transportit”.