Ndriçohet ndërtesa e Qeverisë në ditën e të zhdukurve të Kosovës

Foto: Zyra e Kryeministrit të Kosovës

Mësohet se në shënim të Ditës se të zhdukurve të Kosovës, Zyra e Kryeministrit të Republikës së Kosovës ka ndriçuar ndërtesën e Qeverisë së Republikës së Kosovës me numrin 1617, që është numri i personave të zhdukur dhunshëm gjatë luftës në Kosovë, përcjell albinfo.ch.

“Duke e nxjerrë në dritë krimin ndaj popullit tonë, ne mund të shtyjmë ndërgjegjen ndërkombëtare të kërkojë pastrimin e ndërgjegjes dhe trupit të shteteve agresorë dhe gjenocidalë. Trupi i territorit të Serbisë ishte dhe ende është përplot me trupa të pajetë të njerëzve tanë, të rrëmbyer e të vrarë, të vrarë e të rrëmbyer. Shumë janë zbuluar e nxjerrë prej atje. Dhe kështu duhet të vijohet”, ka shkruar sot në shënim të kësaj dite Kryeministri i Republikës së Kosovës, Albin Kurti.

Tonight we honor those forcefully disappeared during the war in Kosova who are still missing. Only by bringing crimes against our people to light can we hope to reach peace and deal with our deep pain. Serbia remains full of our people’s corpses. We will never forget. pic.twitter.com/D9C6OUPLYx

— Albin Kurti (@albinkurti) April 27, 2022

Gjithashtu Zyra e Kryeministrit, Komisioni Qeveritar për Persona të Zhdukur në bashkëpunim me Këshillin Kordinues të Asociacioneve Familjare të të Zhdukurve të Kosovës dhe organizata të tjera vendore dhe ndërkombëtare, në shënim të kësaj dite, kanë vënë lule te përmendorja dedikuar personave të zhdukur me dhunë gjatë luftës në Kosovë në sheshi Skënderbeu në Prishtinë dhe homazhe në Kompleksin Memorial në Mejë, Gjakovë.