Në botërorin ‘Katar 2022’ mund të mos lejohen futbollistët e pavaksinuar

Kampionati Botëror 2022 po afron dhe raportohet se Katari po mendon të bëjë të detyrueshëm vaksinimin e të gjithë futbollistëve që do të marrin pjesë në të

Sipas “The Athletic”, shteti i Gjirit prej disa kohësh ka bërë me dije se të gjithë personat që do të marrin pjesë në këtë eveniment duhet të kenë marrë të dyja dozat e vaksinës dhe kjo gjë po shtrihet tashmë dhe te lojtarët, transmeton A2, përcjell Albinfo.ch.

Megjithatë, shumë lojtarë profesionistë kanë mendime të ndryshme dhe për vaksinën dhe me këtë zhvillim të ri rriten shqetësimet se në Katar mund të mungojnë disa nga yjet. Gjë kjo që duan ta shmangin të gjithë.

Katari ka vaksinuar rreth 82% të popullsisë kundër koronavirusit dhe pritet të nisë diskutimet me FIFA dhe autoritetet mjekësore për të arritur një zgjidhje.

 

---