Në këto dy qytete gjermane fillon sot greva për udhëtarët me trena dhe me tramvajë

unsplash

Raportohet se sindikatat e hekurudhave gjermane GDL kanë paralajmëruar prapë një grevë 24 orëshe dhe atë ditën e premte, kur udhëtojnë me miliona njerëz në punë dhe për fundjavë. Drejtuesit e trenave do të jenë në grevë prej të enjtes, më shtatë dhjetor, në orën 22.00, deri të premten, në orën 22.00. Grevat e tilla zakonisht shkaktojnë çrregullime dhe probleme edhe një ditë më vonë, përcjell albinfo.ch.

Greva do të mbahet në gjithë Gjermaninë dhe i prek si trejat rajonalë, ashtu edhe ata ndërrajonalë, prandaj probleme priten në mbarë vendin. Por, në grevë do të jenë edhe punonjosit e tramvajëve (S-Bahn) në Berlin dhe Hamburg.

Grevat e trenave të mallrave do të fillojnë të enjten, në orën 18.00. Greva e fundit e ngjashme ka qenë më 15 dhe 16 nëntor. Ndërsa gjatë këtij viti ka pasur edhe dy greva të tjera, në mars dhe në prill.

Greva e tanishme është pasojë e ashpërsimit të qëndrimeve në negociatat mes sindikatës dhe punëdhësve nga Deutsche Bahn. Sindikatat kërkojnë rritjen e rrogave dhe shkurtimin e orarit të punës nga 38 në 35 orë në javë, por me rrogat e njëjta, për punëtorët që punojnë me ndërrime. Por Deutsche Bahn ka refuzuar shkurtimin e orarit të punës dhe ka kritikuar ashpër sindikatat për këtë grevë, sepse grevat e tilla zakonisht duhet të paralajmërohen katër ditë më parë.

Nga kjo grevë do të preken miliona udhëtarë.