Në mbarë botën, mbi 600 mijë të shëruar nga koronavirusi

Gjithsej 602,793 raste të shëruara

Sipas të dhënave të përpiluara nga Johns Hopkins, gjithsej 602,793 raste të shëruara janë raportuar në të gjithë globin, ndërsa mbi 161.330 njerëz kanë vdekur nga pandemia.

Thuhet se në total, më shumë se 2.34 milionë e kanë kontraktuar sëmundjen.

Numri më i lartë i rasteve që kanë mposhtur virusin është regjistruar në Gjermani, e cila ka 88 mijë të rikuperuar nga Covid-19.

Kina pason Gjermaninë me 77.681 raste shërimi, ndërsa Spanja, një nga vendet më të prekura nga virusi pandemik, kishte 77.357 njerëz që u rikthyen në gjendje të rregullt shëndetësore pas infektimit.

SHBA – e cila aktualisht kryeson në nivel global me numrin e viktimave dhe rasteve, me 39.090 vdekje dhe 735,287 të infektuar – raportoi pothuajse 66,819 rikuperime.

Virusi është përhapur në 185 vende dhe rajone që nga shfaqja në Kinë në fund të vitit të kaluar.

 

---