Në rënie, eksportet e orëve zvicerane

Eksportet e orëve zvicerane kanë shënuar rënie për 13 muaj radhazi edhe në korrik, pasi Hong-Kongu zbriti në vendin e dytë në renditjen në tregjet më të mëdha për herë të parë në më shumë se një dekadë, tha “Bloomberg”.

Eksportet në përgjithësi janë ulur me 14%, në 1.6 miliardë franga zvicerane (1.7 miliardë dollarë), sipas të dhënave të fundit të Federatës së Zvicrës të industrisë së orëve.

Rënia e eksporteve mujore është për 5.9%, sipas përllogaritjeve zvicerane.
Vetëm eksportet në Hong-Kong ranë me 33%, në 175 milionë franga. Vendi ka qenë tradicionalisht tregu më i madh për orët luksoze.

Të ardhurat nga shitja në SHBA, e cila tashmë është tregu më i madh, janë rreth 15% më të ulëta, për 179 milionë franga.

Rënia është përhapur nga Azia dhe në tregjet e mëdha të industrisë në Evropë.

Profiti i “Swatch Group AG” për gjysmën e parë është ulur me 54%, njoftoi prodhuesi i orëve “Omega”.