Në rënie, eksporti i orëve zvicerane

Eksportet e orëve zvicerane shënuan rënie në tre muajt e fundit me gati dhjetë për qind krahasuar me një vit më parë. Bëhet fjalë për 500 milionë franga zvicerane më pak profit për industrinë e orëve.

Për dy vjet orët dhe produktet e tjera luksoze jashtë vendit janë bërë më pak atraktive, sidomos në tregje të rëndësishme të shitjes, të tilla si Hong-Kongu dhe Kina. Ekonomia është dobësuar edhe në Kinë, populli shikon rrallë produkte të shtrenjta, për shkak të ligjit të ri, i cili lufton korrupsionin, shkruan srf, përcjell albinfo.ch.

Jean-Daniel Pasche, president i Shoqatës zvicerane të orëndreçësve, tha se aziatikët e pasur për shkak të sulmeve në Evropë udhëtojnë rrallë në Evropë, ku ata zakonisht blejnë orë të shtrenjta zvicerane.
Michael Klien nga UBS analizon produktet luksoze. Ai e sheh një problem tjetër për rënien e shitjeve. Sipas tij, edhe frangu i fortë ka ndikuar, po edhe normat e luhatshme të këmbimit.

Tregu i rëndësishëm aziatik do të “shërohet”, thotë Michael Klien. “Në Hong-Kong, për shembull, orët janë duke u blerë përsëri. Dhe, rezulatet duhet të jenë pozitive për 2017”, thotë Klien, përcjell albinfo.ch.
Nick Hayek, kreu i grupit më të madh zviceran të orëve, gjithashtu beson se do të jetë më i mirë viti i ardhshëm. “Unë nuk shoh asnjë arsye që Grupi Swatch, por edhe industria zvicerane e orëve të mos rritet sërish në vitin 2017”, thotë Hayek.