Në Zagreb u festua Dita e pakicave kombëtare

Shqiptarët u prezantuan denjësisht

Në Zagreb u organizua Festa tradicionale e Ditës së Pakicave Kombëtare, nën kujdesin e Këshillit të Pakicave Kombëtare të Qytetit të Zagrebit, në bashkëpunim me të gjitha këshillat dhe përfaqësitë e e pakicave, përfshirë dhe pakicën shqiptare, përcjell albinfo.ch.

Ambasada iu bashkua me kënaqësi festimeve të kësaj dite të veçantë, në të cilën pakica shqiptare u prezantua denjësisht përmes një Programi artistik nga grupi vokal-instrumental i Shoqatës Kulturore Migjeni nga Ljubljana, ku nën tingujt e muzikës së bukur shqiptare kënduan e kërcyen fëmijët e talentuar, të zbukuruar me veshjet tona kombëtare.

Gjithashtu, pakica shqiptare kishte përgatitur edhe stendën me libra, revista e materiale promovuese, e cila shkëlqente nga punimet e qëndisura me dorë me motive tona si dhe punime të nxënësve që mësojnë gjuhën shqipe, ndërsa vizitorët e shumë të stendës shijuan gatimet tradicionale të kuzhinës shqiptare.

---