Në Zvicër jetojnë 8 milionë e 369 mijë banorë

Shtimit të numrit të banorëve i ka kontribuuar më së shumti ardhja e të huajve për të jetuar në Zvicër (plus 64800) ndërsa lindjet, me 17500 veta. Përqindja e të huajve në popullatën zvicerane është rritur brenda një viti nga 22.8% në 23.3%.

Në fund të vitit 2012 në Zvicër kanë jetuar 8  milionë e 36900 persona ose për 82.300 më shumë se një vit më parë. Ndërsa shifrën 8 milionëshe Zvicra e ka arritur në verën e vitit të kaluar, ka njoftuar të enjten Zyra Federale për Statistika (BFS).

Shtimit të numrit të banorëve i ka kontribuuar më së shumti ardhja e të huajve për të jetuar në Zvicër (plus 64800) ndërsa lindjet, me 17500 veta. Numri i banorëve të përhershëm të Zvicrës me shtetësi të huaj në fund të vitit 2012 ka qenë 1 milion e 869 mijë ose për 53 mijë më tepër se në vitin 2011. Në këtë mënrë, përqindja e të huajve në popullatën zvicerane është rritur brenda një viti nga 22.8% në 23.3%.

Statistika më e re tregon se femrat përbëjnë diçka më shumë se gjysmën e popullatës së Zvicrës. Ndërsa epërsia e numrit të femrave në krahasim me të meshkujve është sidomos e madhe në moshat nga 85 deri 89 vjeçare, ku praktikisht ka dyfish më shumë femra se meshkuj, ndërsa nga mlosha 95 vjeçare ky dallim është madje më shumë se 3 me 1 në favor të femrave.

Në Zvicër në fund të vitit 2012 kanë jetuar 1400 persona më të vjetër se 100 vjeç. Prej tyre 1200 femra dhe 200 meshkuj.