Gjakovë: Fëmija nuk pranohet në çerdhe për shkak të ngjyrës

Diskriminimet që bëhen në bazë të ngjyrës, vazhdojnë të jenë një problematike globale edhe për botën moderne. Nga kjo gjë përjashtim nuk bënë as Kosova.

Një nënë në Gjakovë pretendon se nuk mundi ta regjistrojë djalin në çerdhe shkaku i ngjyrës së lëkurës

Ajo ka treguar se në rrjetin social facebook pronarja e çerdhes i ka thënë se ka vende të lira, por sipas M.Xh, ngjyra e lëkurës është bërë shkak që djalin e saj të mos e pranojnë në këtë kopsht, raporton KOHA, përcjell albinfo.ch

Gruaja me prejardhje nga Shqipëria për një kohë kishte jetuar në Gjermani.Me kthimin e saj në Kosovë thotë se është duke u diskriminuar vazhdimisht.

Por pronarja e çerdhes i ka mohuar këto pretendime, duke thënë që fillimisht ka pasur vende të lira, por janë rikthyer fëmijët që kanë qenë para pandemisë.

“Në asnjë mënyrë nuk qëndron çfarë ka thënë ajo grua, ne nuk kemi vende të lira pasi janë kthyer fëmijët që kanë qenë këtu. Në këtë çerdhe unë pos që kam pasur edhe fëmijë të komuniteteve të tjera, kam pasur edhe edukatore nga komuniteti rom”, ka thënë pronarja e kopshtit.

Përderisa nga Instituti EdGuard kanë thënë se gjëra të tilla të diskriminimit në baza racore ndodhin shumë shpesh.

Qehaja ka shtuar se këto raste duhet të përcillen nga organet kompetente, në mënyrë që të gjithë të ndihen pjesë e shoqërisë dhe të jetojnë të barabartë.

---