Nëse Ronaldo shënon sonte gol, do të jetë i pari që arrin shifrën e 100 golave

Pesë herë fituesi i “Topit të Artë”, Cristiano Ronaldo, sot mund të bëhet futbollisti i parë në Kombëtaren e Portugalisë që arrin në shifrën e 100 golave, në duelin që do të zhvillohet kundër Suedisë në udhëtim. Kjo ndeshje zhvillohet në kuadër të Ligës së Kombeve.

Ronaldo deri më tani në fanellën portugeze ka shënuar 99 gola në 164 ndeshje të luajtura, përcjell albinfo.ch.

35 vjeçari, debutimin në kombëtaren portugeze e kishte bërë në vitin 2003, pikërisht në vitin kur ishte transferuar drejt Manchester Unitedit nga Sporting Lisbona.

Ronaldo në vitin 2016 u shpall kampion Evrope me Portugalinë.