Nesër takimi i radhës në kuadër të dialogut në Bruksel, temë Marrëveshja e Ohrit

Zëdhënësi i Bashkimit Evropian, Peter Stano, sot ka folur për takimin e nesërm në Bruksel, i cili do të zhvillohet në kuadër të dialogut Kosovë – Serbi.

Takimi do të zhvillohet në nivel të kryenegociatorëve, transmeton albinfo.ch.

“Takimi i nivelit të kryenegociatorëve do të mbahet nesër në Bruksel, agjenda tashmë është e dukshme: forma për të shkuar para me implementimin e Marrëveshjes së Ohrit. Natyrisht, diskutime në çështjet që janë duke e afektuar normalizimin në mes të Kosovës dhe Serbisë”, ka thënë ai.