Nga 1 dhjetori ulen çmimet e ilaçeve në Zvicër

Zyra Federale e Shëndetit Publik e Zvicrës (FOPH) ka njoftuar se kishte ulur çmimin e ofruesve të kujdesit shëndetësor zviceran dhe pacientët do të paguajnë për 257 ilaçe me 16.3% më lirë

Këto çmime më të ulëta, të cilat hyjnë në fuqi më 1 dhjetor 2019, pritet të kursejnë 100 milionë CHF në vit.

FOPH shikoi çmimet e 478 ilaçeve dhe arriti ulje çmimesh në 257 (54%) të tyre, përcjell albinfo.ch.

Qeveria zvicerane ka premtuar të ulë kostot e kujdesit shëndetësor përmes një sërë masash, duke përfshirë negociatat e përmirësuara me ofruesit e kujdesit shëndetësor, çmimet e referencës për barnat gjenerike dhe transparencën më të madhe të çmimeve.

Kujdesi shëndetësor zviceran është i shtrenjtë dhe shumica e tij paguhet direkt nga individë (69%). Vetëm SHBA kanë një sistem më të shtrenjtë të kujdesit shëndetësor, sipas Zyrës Federale të Statistikave të Zvicrës.

 

---