Nga 1 janari i 2012 ndalohen veturat e 98-ës

Dogana e Kosovës ka bërë të ditur se pas vendimit të Qeverisë së Kosovës për ndryshimin e zhdoganimit të automjeteve, nga 1 janari i 2012 nuk do të mund të zhdoganohen automjetet të cilat janë prodhuar më 1998.

“Dogana e Kosovës njofton qytetarët e Republikës së Kosovës se duke filluar nga data 1 janar 2012, konform ndryshimeve të implementuara sipas vendimit të qeverisë i cili ka hyrë në fuqi nga 1 korriku 2011, ndryshojnë edhe mundësitë e zhdoganimit te automjeteve, sipas vitit te prodhimit të automjeteve”, ka thënë nëpërmjet një komunikate zëdhënësi Adriatik Stavileci.

Pra, të gjitha automjete të prodhuara apo që kanë dalë në qarkullim në vitin 1998, pas datës 1 janar 2012 më nuk mund të zhdoganohen.