Nga e hëna “rihapet” Italia, situata e mirëmenaxhuar

dimitrisvetsikas1969

Referuar statistikave, bilanci italian i pandemisë flet për një rritje të lehtë të të infektuarve, që nga 13844 shkojnë në 16232, ndërkohë që viktimat mbeten në të njëjtin nivel, me rreth 360 në 24 orët e fundit, përcjell albinfo.ch.

Sipas statistikave nga organet shëndetësore italiane, 22 mijë persona janë të shtruar në spitalet italiane, 3 mijë prej tyre në terapi intensive, ndërkohë që në rritje nga dje duket edhe niveli i pozitivitetit, me  4.4%.

Lombardia mbetet rajoni më i goditur, i ndjekur nga Veneto, Kampania dhe Emilja Romanja.

Nga e hëna në vendin fqinj hapen restorantet dhe baret në hapësirat e jashtme, ndërkohë që hapen edhe pishinat, ekspozitat, muzetë kinematë dhe teatrot.

Për qendrat tregtare duhet të pritet 15 maji dhe palestrat nga 1 qershori.