Nga sot levi bullgar bëhet pjesë e historisë, vendi hynë në eurozonë

@unsplash

Anëtarja e Bashkimit Evropian, Bullgaria, nga sot është bërë pjesë e eurozonës dhe që nga mesnata, euro u bë monedha e vendit dhe lev ka mbetur vetëm në histori.

Hyrja e Bullgarisë në eurozonë do ta çojë numrin e evropianëve që përdorin monedhën në më shumë se 350 milionë. Vendi i fundit që iu bashkua grupit të monedhës së vetme ishte Kroacia në janar 2023.

Përveç ndryshimit të monedhës, Bullgaria është bërë anëtari i 21-të i eurozonës duke marrë kështu një vend në Këshillin Drejtues të Bankës Qendrore Evropiane që përcakton normat e interesit, shkruan Reuters, transmeton albinfo.ch.

Qeveritë e njëpasnjëshme bullgare janë përpjekur ta bëjnë këtë hap që kur vendi ballkanik me 6.7 milionë banorë iu bashkua BE-së në vitin 2007.

Disa bullgarë shqetësohen se përdorimi i euros do të rrisë çmimet.