Ngrijnë në ujërat e Italisë, 7 emigrantë humbin jetën

Shtatë emigrantë humbën jetën nga temperatura e ulët mes të ftohtit të acartë shumë pranë brigjeve të ishullit italian të Lampeduzës. Pjesa më e madhe e tyre ishin nga Egjipti dhe Bangladeshi.

Qindra prej tyre ishin në një anije prej druri të mbushur, transmeton Albinfo.ch.

Siç raporton tch, rojat bregdetare italiane arritën të shpëtojnë rreth 280 emigrantë të tjerë.

Tri prej viktimave vdiqën kur forcat italiane po afroheshin mes ujrave të trazuar, ndërsa katër të tjerë vdiqën teksa transportoheshin drejt ishullit.

Dy anije të rojës bregdetare kryen shpëtimin ndërsa një varkë nga policia financiare e Italisë qëndronte në afërsi gjatë opeacionit që u ndërlikua së tepërmi për shkak të dallgëve.

Autoritetet italiane njoftuan se anija 20 metra e gjatë ishte ende në ujërat e Tunizisë, por ekipet vendase nuk kishin qenë në gjendje ta gjenin. Ajo u diktua më vonë në zonën italiane të kërkim-shpëtimit.