Nis ndërtimi i terminalit të ri në ANP “Adem Jashari”

Fillimi i këtij projekti paraqet fillimin e implementimit të kontratës nga konzorciumi Limak de Lyon, pas koncesionimit të ANP-së

Aeroporti Ndërkombëtar i Prishtinës “Adem Jashari”, shumë shpejt do ta ketë edhe një terminal të ri, i cili do të rrisë kapacitetet e tij dhe do të ofrojë kushte dhe shërbime më të mira për udhëtarët.　Është vendosur gurthemeli për terminalin e ri, i cili sipas drejtuesve të ANP-së, do të jetë sipas standardeve më të larta ndërkombëtare. Fillimi i këtij projekti, në fakt paraqet fillimin e implementimit të kontratës nga konzorciumi Limak de Lyon, pas koncesionimit të ANP-së për një periudhë prej 20 vjetësh.　Të pranishëm në ceremoninë e inaugurimit ishin zyrtarët më të lartë të shtetit, presidentja Atifete Jahjaga, kryeministri Hashim Thaçi, zyrtarë të tjerë të Qeverisë dhe institucioneve tjera, ambasadorja e Turqisë në Kosovë, ambasadori i Francës, përfaqësuesi i Vakifbank, e cila e ka financuar këtë projekt dhe përfaqësues të tjerë të jetës publike.　Terminali i ri do të përfshijë një sipërfaqe prej 42 mijë metrash katrorë dhe do të ofrojë një shërbim më cilësor, ndërkaq është financuar nga banka turke Vakifbank, përfaqësuesi i së cilës ka thënë se janë akorduar 85 milionë euro për fillimin e ndërtimit të këtij projekti që e vënë Aeroportin Ndërkombëtar të Prishtinës, në mesin e aeroporteve moderne