Nis numërimi i fletëvotimeve nga votimi përmes postës

(AP Photo/Visar Kryeziu)

Ka filluar numërimi i fletëvotimeve nga votimi përmes postës, përcjell albinfo.ch. 

Ndërkaq, po vazhdon numërimi i atyre nga votimi në përfaqësi diplomatike. 

“Në Qendrën e Numërimit dhe Rezultateve është duke vazhduar numërimi i vendvotimeve të fundit nga votimi në përfaqësi diplomatike dhe tani kemi filluar edhe numërimin e fletëvotimeve nga votimi përmes postës”, ka thënë zëdhënësi i Komisionit Qendror të Zgjedhjeve, Valmir Elezi.

Komisioni Qendror i Zgjedhjeve ka procesuar të premten rezultatet nga numërimi i 93.02 për qind të vendvotimeve nga përfaqësitë diplomatike.

Sipas rezultateve të deritanishme, kur numërimi ka përfunduar në 40 kuti, nga 43 sa janë gjithsej, Lëvizja Vetëvendosje (VV) prin me 80.75 për qind të votave. Ajo pasohet nga Partia Demokratike e Kosovës (PDK), që ka marrë 7.48 për qind të votave, dhe Lidhja Demokratike e Kosovës (LDK), e cila ka marrë 7.45 për qind. Aleanca për Ardhmërinë e Kosovës (AAK) ka marrë 1.93 për qind të votave, ndërsa Koalicioni për Familjen 0.76 për qind.