Nis zbatimi i marrëveshjes për lëvizjen e lirë

Ka nis zbatimi i marrëveshjes për lëvizjen e lirë, e arritur në dialogun nsërmjet Kosovës dhe Serbisë. Makinat që nga Serbia hyjnë në Kosovë, do të paguajnë sigurim prej 60 eurove, i cili do të jetë i vlefshëm për 15 ditë.

Zyrtarët në piken kufitare në Merdare, kanë deklaruar se kjo marrëveshje ka nisur të zbatohet pa probleme, raporton Radio Kosova.

Ministri i Brendshëm i Kosovës, Bajram Rexhepi, ka thënë se kjo masë nuk do të zbatohet momentalisht edhe në veri të Kosovës, meqë tash për tash nuk ka kushte për këtë.

Kurse Ministri i Brendshëm i Serbisë, Ivica Daçiq ka deklaruar se nuk pret probleme në zbatimin e marrëveshjes për lirinë e lëvizjes mes Kosovës dhe Serbisë.

Qytetarët nga Kosova mund të udhëtojnë drejt Serbisë me letërnjoftime të Republikës së Kosovës.

Vetëm për makinat me targa RKS, është e domosdoshme që të nxirren tabelat ‘provuese’, ka sqaruar Daçiq.