Një emision për shkeljen në Hënë do të nisë një turne nëpër Amerikë

Ish-astronautët Buzz Aldrin dhe Charlie Duke, kanë parakaluar në tepihun e kuq të Pasadenas për premierën e emisionit “Apollo 11”, që ka të bëjë me misionin historik të shkeljes së njeriut në sipërfaqen e Hënës.
Aldrin, 86-vjeçar, ishte pilot luftarak në Luftën Koreane dhe më pas iu bashkua programit të astronautëve. Më 20 korrik të vitit 1969, ai shkeli në Hënë 20 minuta pasi hapin e parë e bëri Neil Armstrong.
Ecja në Hënë ishte pjesë e misionit “Apollo 11”, që në atë kohë u shikua nga një audiencë rekorde, prej 600 milionë personave.

Duke ishte personi i dhjetë që eci në Hënë. Kështu e përshkroi ai momentin kur bëri hapin e parë.
“Ishte drithërues. Dolëm pas personit komandues dhe zbrita duke vrapuar. Isha i dhjeti në radhë dhe nuk ishte frikësuese sepse ndihesha si në shtëpi”, tha Duke, 83-vjeçar, që mban rekordin si njeriu më i ri në moshë që shkeli në Hënë. Atëherë i kishte 36 vjet, transmeton albinfo.ch.
NASA ishte e para që nisi fluturimet në hapësirë gjatë viteve të ‘60-a, ani pse kishte konkurrencën e astronautëve sovjetikë.
“Apollo 11” preku në Hënë më 20 korrik të vitit 1969.