Një i burgosur arratiset nga QKUK-ja

Një i burgosur ka arritur që të arratiset nga QKUK, ku ishte dërguar për trajtim mjekësor.

Nga raporti i sotëm policor theksohet se rasti ka ndodhur më 4 të këtij muaji.

“Është raportuar se i dyshuari mashkull K/shqiptar, i cili ishte duke vuajtur dënimin në burg për shkaqe shëndetësore ishte transferuar në QKUK për trajtim mjekësor, nën përkujdesje të dy gardianëve”, thuhet në raport.

I njëjti më 04.07.2019 ka arritur të arratiset dhe është larguar në drejtim të panjohur, ndërsa dy të dyshuarit me vendim të prokurorit janë arrestuar dhe pas intervistimit janë dërguar në mbajtje. Rasti është duke u hetuar.

---