Një i vdekur dhe dy të lënduar nga një ortek në Zvicër

Ilustrim

Nga një ortek në Zvicrën Jugore ka mbetur i vdekur një person dhe dy të tjerë janë lënduar, ka bërë të ditur policia zvicerane.

Kjo erdhi pasojë e reshjeve të dendura në këtë rajon, shkruajnë mediat zvicerane.

Sipas policisë, në kantonin Vaud të Zvicrës ishin një grup prej shtatë francezëve që ndodheshin pranë malit Vanil Carré në lagjen Chateau-d’Oex kur ndodhi orteku, përcjell albinfo.ch.

Një person 39-vjeçar ka gjetur vdekjen, derisa dy të tjerë shpëtuan me lëndime të lehta.

Edhe Zyra Kombëtare e Motit të Zvicrës kishte paralajmëruar për mundësinë e goditjes nga ortekët në disa pjesë të vendit.

Javën e kaluar tre persona mbetën të vdekur në Austrinë Perëndimore, ndërsa autoritetet franceze kanë paralajmëruar gjithashtu për një rrezik të lartë ortekësh në rajonin Haute-Savoie që kufizohet me Zvicrën.