Një udhëtim me nxënës drejt Kosovës

Ministria e Diasporës organizon " Kamp - Shkollë Verore" për fëmijë të mërgimtarëve jashtë atdheut, nga data 8 -14 korrik, në kompleksin turistik në Malaj të Rugovës

Pjesë e këtij “Kampi veror” do të janë edhe nxënësit shkollës shqipe në Jura të moshës nga 12 – 14 vjeç.  

Ymer Avdiu, përgjegjës i divi-zionit të Arsimit në MD tha se kjo shkollë verore do të bëhet traditë e lindur nga nevoja për të vazhduar më tej përpjekjetr tona për fëmijët tanë që ata të lidhen me gjuhën shqipe dhe atdheun.

Një ditë kur mora ftesën nga ai, u shpërndava nxënësve, ata qeshnin, qeshen me shpirt.

“Faleminderit” më thanë! Do të vish edhe ti me ne? Më ngeli në sy ajo buzëqeshja e tyre, më mbeti në shpirt ai zë në notat e larta të një falënderimi të thellë…Edhe pse ditët e pushimit numrohen “në gishta”do të jem shoqëruesja juaj pa asnjë shpërblim u thash.

 Jemi të bindur se të gjithëve ne na udhëheq një dëshirë e zjarrtë për atdheun. Është për tu përgëzuar puna e prindërve shqiptarë që ia kanë hapur dyert Shkollës shqipe në Jura tani e 20 vjet. Kjo tregon se mërgimtarët  shqiptarë dinë të ndërtojnë dhe të krijojnë jo vetëm të mira materiale por edhe vlera shpirtërore.

Më tej në bisedë për ”Kampin – Shkollë verore” prindërit Azem Jasiqi, Gani Hasanaj, Ramë Morina, Tafë Osdautaj, Ragip Thaçi, Fatmir Ramabaja, Milazim Berisha, Asllan Kqiku. dhanë fjalën për të u hequr shpenzimet e udhëtimit për fëmijët e tyre që ata të jenë pjesë e këtij pushimi, ndërsa shpenzimet e qëndrimit një javorë do t’ i heq institucioni shtetëror i Kosovë.

Vlerësojmë dëshirën, mundin, kohën, bujarinë dhe idenë e projektit besoj se nisma të tilla duhet të vazhdojnë pasiqë ka vlera në shumë aspekte. Kështu krijohet lidhja e komunikimit dhe bashkëpunimit ndërmjet personave, qarqeve dhe institucioneve me interes në të gjitha lidhjet dhe shtrirjet: Atdhe – mërgatë dhe anasjelltas!                                                                         

Delemont, 29 qershor 2013

Nexhmije Mehmetaj