Normalizohet qarkullimi në pikën kufitare në Merdar

Deri në këtë kohë kalimi i udhëtarëve me letërnjoftim të Republikës së Kosovës për në Serbi ka qenë i bllokuar

Policia e Kosovës ka konfirmuar se qarkullimi në pikën kufitare në Merdar është rregulluar. Sipas informacioneve që ka Policia e Kosovës, pas orës 15,  pala serbe ka filluar të lëshojë qytetarët e Kosovës të cilët kanë udhëtuar me letërnjoftime të Kosovës, bënë të ditur RTK.

15:33 – Autoritetet serbe nuk i lejuan qytetarët me dokumente të Kosovës

Zyrtarët e Policisë së Serbisë në pikën kufitare në Merdar u kanë thënë udhëtarëve se nuk mund të hyjnë më dokumente të Kosovës për shkak të problemeve në sistemin për regjistrimin e të dhënave.Kolonat e automjeteve, megjithëse në numër më të vogël, vazhdojnë të presin për të kaluar këtë pikë kufitare.

Shumë qytetarë të Kosovës, prej tyre shumiaca mërgimtarë kanë mbetur për disa orë me radhë në zonën neutrale mes Kosovës dhe Serbisë në Merdare për shkak se autoritetet serbe nuk e lejuan disa herë të hyjnë në Serbi me dokumente të lëshuara nga institucionet e Kosovës.

Kurse Qeveria e Kosovës ka reaguar në Bruksel për pengesat që po u bën Serbia qytetarëve të Ksoovës për të qarkulluar.

Ndërsa, kreu i LDK-së Isa Mustafa është shprehur skeptik se marrëveshja për lëvizjen e lirë do të implementohet pasi kjo nuk ka kaluar përmes Kuvendit të Kosovës.

Sipas tij, përgjegjësinë për këtë që po u ndodh qytetarëve duhet ta marrin ata që e kanë bërë këtë marrëveshje.