Norvegjezët dhe zviceranët, popujt më të lumtur në botë

Një sondazh i realizuar nga “Gallup International” tregon “Hartën e Lumturisë në Botë”

Studimi tregon se popujt më të lumtur në botë janë norvegjezët dhe zviceranët.

Shkallën më të lartë të lumturisë në botë prej 53 për qind e kanë tejkaluar evropianët. Në Evropë zviceranët e kanë arritur në 76 për qind, menjëherë pas norvegjezëve që janë në vendin e parë të listës së popujve më të lumtur me 77 për qind.

13 për qind e të anketuarve në botë kanë thënë të mos jenë të lumtur.

Nga fqinjët e Zvicrës, Gjermania radhitet në listën e popujve më të lumtur me 68 për qind, Austria me 52 dhe Franca 40 për qind, ndërsa Shtetet e Bashkuara të Amerikës ndodhen në vendin e popujve të lumtur në botë me 33 për qind.

Hulumtimi tregon se zhvillimet negative në ekonomi nuk kanë ndikuar edhe në lumturinë e popujve.

Evropianët janë treguar të lumtur pavarësisht ekonomisë së brishtë që po mbretëron në vendin e tyre.

Me gjithë presionin ekonomik, spanjollët janë deklaruar 55 për qind të lumtur.

Sipas agjencisë hulumtuese “Gallup International”, për të caktuar shkallën e lumturisë kanë anketuar njerëz në 58 vende të botës me 52. 913 intervista. Sipas Gallup-it, në anketë janë përfshirë shumica e popullsive të botës. Sondazhi i hulumtuesve të Gallup-it përsëritet rregullisht çdo vit që nga viti 1977. /Albinfo.ch & Blick/