OECD: Dobësi serioze në sistemet shëndetësore europiane

Keystone EPA/VALDRIN XHEMAJ ATTENTION: This Image is part of a PHOTO SET *** Local Caption *** 56006973

Pandemia e COVID-19 ka zbuluar dobësi serioze në sistemin shëndetësor të vendeve evropiane, sipas një raporti të botuar sot nga Organizata për Bashkëpunimin Ekonomik dhe Zhvillimin (OECD).

“Mungesa e personelit shëndetësor është një problem më serioz, sesa shtretërit spitalorë në dispozicion”, zbuloi raporti i OECD, shkruan atsh, përcjell Albinfo.ch.

“Kjo ka ndodhur për shkak të faktit se ngritja e objekteve të përkohshme spitalore është mundësuar shpejt, ndërsa trajnimi i punonjësve të tjerë shëndetësorë ka kërkuar kohë”, vazhdon organizata.

Raporti theksoi, gjithashtu, se qeveritë duhet të gjejnë strategji më të mira për lehtësimin e kufizimeve, me qëllim shmangien e bllokimeve të mëtejshme, veçanërisht në lidhje me testimin dhe gjurmimin e zinxhirëve të infektimit.