OEGJK: Rritet për 39% eksporti nga Kosova në Gjermani

Foto Ilustrim

Oda Ekonomike Gjermano-Kosovare ka njoftuar se eksporti nga Kosova në Gjermani është rritur për 39% në vitin 2021, transmeton albinfo.ch.

Kjo Odë ka potencuar se Kosova ka potencial për të ofruar produkte cilësore.

“Për disa kompani gjermane, Ballkani Perëndimor, e në veçanti Kosova, janë territor akoma i paeksploruar, por me shumë potencial për gjetjen e furnitorëve të rinj. Prodhuesit kosovarë mund të ofrojnë produkte cilësore që transportohen në rrugë më të shkurtra dhe më të shpejta, se sa kur furnizimi bëhet nga Azia”, thuhet në shkrimin e OEGJK-së.

Oda Ekonomike Gjermani-Kosovare ka theksuar të ketë përkrahur kompanitë gjermane nga sektori i përpunimit të metalit, plastikës dhe drurit që të gjejnë partnerë potencialë në Kosovë.

“OEGJK ka ndërtuar ura lidhëse me gjashtë shoqata gjermane në sektorin e ndërtimtarisë, për të mundësuar kontakt me kompani prodhuese kosovare. Gjithashtu, përmes takimeve B2B në kuadër të Konferencës Western Balkans Purchasing Initiative, ku OEGJK është partner, janë krijuar mundësi të reja për kompanitë anëtare të OEGJK-së që të fillojnë bashkëpunimin me kompani gjermane dhe ta rrisin eksportin”, përfundon njoftimi i kësaj Ode, përcjell Albinfo.ch.

https://www.facebook.com/289010644517674/posts/4750875334997827/?d=n