OKB: 25 civilë të vrarë në Ukrainë

Rusia vret të paktën 25 civilë ukrainas dhe plagos mbi 100 të tjerë

Bëhet e ditur nga Zyra për të Drejtat e Njeriut të Kombeve të Bashkuara se janë raportuar 25 civilë të vdekur, si pasojë e luftimeve që prej të enjtes në Ukrainë, përcjell albinfo.ch.

E njëjta zyrë raporton se 102 persona kanë mbetur të plagosur. Zyra për të Drejtat e Njeriut bën thirrje se viktimat dhe të plagosurit janë shkaktuar si pasojë e bombardimeve dhe sulmeve ajrore.

Megjithatë një zëdhënëse e OKB-së tha se ky numër është paraprak dhe numri i vërtetë i viktimave e i të plagosurve mund të jetë më i madh.

Ndërkohë, zyrtarët ukrainas kanë raportuar se si pasojë e luftimeve kanë humbur jetën 137 persona, ushtarë dhe civilë.

 

---